County Cork Vocational Education Committee

Príomh-Ghnéithe an Achta um Obair don Aos Óg 2001

Is é cuspóir an Achta ná creat dlíthiúil a chur ar fáil do sholáthar chláir oibre agus seirbhísí ag an Aire, ag Coistí Gairmoideachais (CGO) agus ag Eagrais Náisiúnta agus Réigiúnacha don Óige.

Is iad príomh-ghnéithe an Achta ná:

• Sainmhíniú ar Obair don Óige a dhéanamh go soiléir agus go gonta

• Measúnú a dhéanamh ar fheidhm pholasaí, buiséid, taighde, monatóireachta an Aire Oideachais

• Sainmhíniú a dhéanamh ar fheidhm na gCoisti Gairmoideachais maidir le hObair don Óige, go háirithe nósanna imeachta, pleanáil agus ord tosaíochta a bheith ag cistí agus maidir le tuairisciú ar sholáthar clár agus seirbhísí maidir le hObair don Óige

• Chun Coiste speisialta maidir le hObair don Óige a bhunú i ngach ceantar den Choiste Gairmoideachais

• Struchtúr a chur ar fáil do Choiste Comhairleach Náisiúnta d’Obair don Óige

• Leithdháileadh deontas maidir le hObair don Óige a dhéanamh foirmeálta

• Comhairlí Deonacha don Óige a bhunú chun labhairt ar son riachtanas agus éileamh na hearnála deonaí ag an leibhéal áitiúil

• Measúnóir Náisiúnta ar Obair don Óige a cheapadh chun an úsáid is fearr don airgead poiblí i gcláir agus seirbhísí obair don óige a chinntiú.

Déanann an tAcht foráil maidir le Coistí Gairmoideachais:

• Caithfidh Coistí Gairmoideachais a chinntiú go bhfuil soláthar dóthanach de chláir agus seirbhísí obair don óige ann i gcomhordú le heagrais dheonacha agus le heagrais don óige

• Beidh ar Choistí Gairmoideachais plean forbartha trí bliana a ullmhú dá gceantair riartha

• Beidh Coistí Gairmoideachais in ann cúnamh airgeadais d’Eagrais Obair don Óige a dheonú, a aistarraingt nó a laghdú

• Beidh Coistí Gairmoideachais in ann socruithe a dhéanamh chun cláir agus seirbhísí a sholáthar d’Obair don Óige sa chás nach bhfuil siad á soláthar.